bannerbannerbanner
Святая блаженная Матрона Московская. Акафист

Сборник
Святая блаженная Матрона Московская. Акафист

Полная версия

© Религиозная организация «Данилов ставропигиальный мужской монастырь Русской Православной Церкви (Московский Патриархат)», оформление, верстка, 2017

* * *

Акафист
святой блаженной Матроне Московской

Кондак 1

Избра́нная Ду́хом Бо́жиим от пеле́н младе́нческих, блаже́нная ста́рице Матро́но, слепоту́ и не́мощь теле́сную ко очище́нию духо́вному от Бо́га прия́вшая, да́ром прозре́ния и чуде́с обогати́лася еси́ и венце́м нетле́нным от Го́спода украси́лася еси́. Сего́ ра́ди и мы благода́рне вене́ц похва́льный прино́сим ти, вопию́ще:

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Икос 1́

Ангел во пло́ти яви́лася еси́ на земли́ Матро́но блаже́нная, исполня́ющи во́лю Бо́жию. Аще рождество́ твое́ в слепоте́ теле́сней бысть, но Госпо́дь, умудря́яй слепцы́ и любя́й пра́ведныя, просвети́ духо́внии очи твои́ да послу́жиши лю́дем и дела́ Бо́жии явя́тся чрез тебе́. Мы же с любо́вию вопие́м ти такова́я:

Ра́дуйся, от младе́нчества Бо́гом избра́нная; ра́дуйся, благода́тию Ду́ха Свята́го от пеле́н осене́нная.

Ра́дуйся, да́ром чуде́с измла́да обогаще́нная; ра́дуйся, прему́дростию от Бо́га свы́ше испо́лненная.

Ра́дуйся, мы́сленныма очи́ма во́лю Бо́жию прозира́ющая; ра́дуйся, слепо́тствующих умо́м мудрецо́в ве́ка сего́ посрамля́ющая.

Ра́дуйся, ду́ши заблу́ждшия к Бо́гу приводя́щая; ра́дуйся, ско́рби и печа́ли утоля́ющая.

Ра́дуйся, пра́ведная ма́ти Матро́но, те́плая о нас к Бо́гу моли́твеннице.

Кондак 2

Ви́дяще лю́дие и иере́й, егда́ креща́ше тя, блаже́нная, чу́дный столп облачный над главо́ю твое́ю и обоня́вше благоуха́ние ве́лие, дивля́хуся, что убо сия́ отрокови́ца бу́дет, пою́ще Бо́гу: Аллилу́ия.

1  2  3  4  5  6  7  8  9  10  11  12  13 
Рейтинг@Mail.ru